مشروع ملابس البالة – مشروع صغير ومربح جدا

مشاهدة
أخر تحديث : الأربعاء 1 أكتوبر 2014 - 9:11 مساءً
مشروع ملابس البالة – مشروع صغير ومربح جدا

مشروع البالة من اشهر وانجح المشروعات اللى ممكن تحقق عائد كبير جدا ومعروف برة بأسم second hand مشروع قائم على بيع الملابس المستعملة استعمال نظيف او ملابس بتكون بواقى ستوكات لم تباع فيتم تصديرها الى دول اخرى وهنا بتعتمد على الفرز اللى بيعرفك اى قطعة جديدة واى قطعة مستعملة استعمال نظيف

جواكت وبلوفرات وتي شيرتات وقمصان وبناطيل
وبيبقي زي محلات بتكتب علية أي حاجة ب 5 جنية بس
وتلاقي الناس أمم واقفة علي المحل عندك
أحنا في ظل غلاء المعيشة معتش حد عارف يشتري لبس جديد نوفي وأسعار غالية وخيالية والي معاة أولاد
المهم ان المشروع دة كانت تشتهر بية من زمان بورسعيد.

كل الي هتحتاجة لمشروع زي دة
1- أبحث في النت في محركات البحث جوجل وأكتب مثلا أماكن بيع البالة بالجملة في مصر
2- هتحتاج لحد زي ترزي او رفا بتشوف بلوفر او قميص او تي شيرت حتة مقطوعة بتخيطها
سوستة محتاجة تتغير بتغيرها بتداري العيوب البسيطة وبتغسل الملابس وتكويها
3- في جزء كبير ممكن تشترية من الجمعيات الخيرية بتلم الهدوم
عاوز أقول نقطة خطيرة جدا ان طبعا الي بيشتري الهدوم هما الطبقة الفقيرة والمتوسطة
وليا الشرف أني أكون منهم ىوانا شخصيا بجيب هدوم بالة وببقي فرحان بيها جدا
لأني كنت ماشي في الشارع ولقيت الراجل عمال يقول بخمسة جنية أي حاجة بخمسة جنية
ولقيت الناس زي النمل واقفين علية وبيتخانقوا
وببص أفتكرت اللبس قديم
أطلاقا اللبس نظيف جدا جدا دة ولا كأنة جديد مش هتصدق لو شوفتوا
4- المهم ولو زعلان أنك تجيب من جمعيات خيرية
في الأحسن من كدة وهو مستورد دول أوربا وفي ما يسمي بواقي تصدير
ومحلات ال dark store
وبتبقي مستورة ومستعملتش خالص جدية نوفي بس
الكلمة الأنجليزي دي معناها مخزون المخازن

يعني حاجة فضلت في المخازن عندهم وجديدة نوفي بس متبعتش وأتركنت وخلاص هتأكلها العتة بقي
فبيبعوها يعتبر ببلاش
وأخر نوع هو ما يُسمي بالبلدي كدة موضتة راحت او جت سنة جيدة ودة كان موضة السنة الي فاتت
وفي الملابس الصيني
المهم أن مشروع الملابس الرخيصة
مشروع ممتاز وبالذات أنة في متناول الجميع
وخلي الناس تعيد وهي فرحانة أن شاء الله

مثلا عملت بحث في جوجل شوفوا الأعلان دة

سويترات وجواكت و بلوفرات رجالى وحريمى بناطيل وجيبات ملابس رياضية تى شيرتات وبلوزات وباضيهات و ايس كاب وكوفيات وجوانتى وملابس اطفال البيع جملة يبدا من شنطة سفر 50 كيلو بسعر 30 جنيه للكيلوشوفتوا بتشتروة بالكيلة
يعني ممكن تبدأ مشروعك ب حوالي الف ونص
وتقف بيهم أمام مناطق تجمع زي الأسواق وأمام المصانع
المهم يا جماعة الي عاوز يشتغل بيشتغل ويدور علي لقمة العيش الحلال ويبني نفسة بنفسة وميستناش مساعدة من حد
أنا عاوز أقول ان المشروع دة رائع وممتاز
ويا سلام لو عملت محل مخصوص
وعملت ركن لكل حاجة

ركن الجواكت والسويترات
ركن ملابس الأطفال
وعلي فكرة الغلابة تحب تشتري أحسن من أنة تديهالة ببلاش ويحس أنة شحات أو غلبان
لاكن لما بيدفع خمسة جنية بيحس أنة أشتراها ودفع فيها فلوس
حاجة من الأتنين أما المشروع ميعجبكش عادي جدا دور علي أفكار تانية
وأما المشروع يعجبك

أعرف حاجة واحدة ناس بتعمل ملايين من مشروع زي دة
تخيل ان ممكن يكون واقف عليك سعر قطعة الملابس ب 2 ج وبتبيعها ب 5 ج او 10 ج
دة غير زحمة وناس فرحانة والغلابة كتير
تاجر في أي نوع قولنا حوالي خمس أنواع المستعمل والمستورد المستعمل وبواقي التصدير وما فاتت موضتة وبواقي المخازن
أوعا تفتكر أنها حاجات وحشة أطلاقا
وجرب أنزل بنفسك الأسواق وشوف الزحمة وشوف بورسعيد ودور في النت علي أماكن بيع البالة

رابط مختصر